HADALADA WASIIRKA DAKHILIGA DR GABOSE IYO GUDOMIYAHA XISBIGA KULMIYE MAXAA LAGA DHADHANSAN KARAA?..faalo gaaban

waxa shalay shir jaraaid ku qabtay xafiiskiisa wasiirka arimaha gudaha somaliland mudane mohamed abdi gabose oo beeninayey in uu xafladii habeenkii dhawayd lagu qabtay maansoor ee lagaga hadlayey furashada ururada siyasadeed uu isagu qoray warqad lagu diidan yahay xafladaa,waxaana uu yidhi waxgaradka,aqoonyahanka iyo dadka halkaa isugu yimi ee mudan in la xishmeeyo arintaa ay rag ka mid ahi meesha ka sheegeen maaha mid jirta aniguna ma ihi ninkii ay ka fili lahaayeen taas oo kale, waxaanan aaminsanahay in ay xaq u lahaayeen fikirkooda furashada ururada siyaasadeed, mana ihi nin ka hor imanaya wuxuu aaminsanaa in ka badan soddon sano..waxaana uu cadeeyay fikirkiisii siyaasadeed ee furashada ururada siyaasadeed ee ay dawladii Riyaale ugu taxaabtay xabsiga isaga iyo Eng mohamed hashi Elmi iyo JAMAL CAYDIID in uu ahaa mid sharciya oo ay xaq u leeyihiin, xisbiga kulmiyena ay heshiis kuwada galeen qodobka furashada ururadda siyaasadeed oo waliba saxeexay Gudomiyaha xisbiga kulmiye ee hadda Mudane muuse biixi cabdi waxaana uu yidhi wasiirku,waxa maalin dhawayd aan maqlayay walalkay muuse biixi oo hadal uu jeediyay kaga soo horjeeday furashada ururada siyaasadeed waxa igaga filan heshiiskii ay wada galeen urur siyaasadeedkii Qaran iyo Xisbiga Kulmiye oo hadda i horyaala saxeexii muuse biixi uu ku saxeexay marka kulmiye ku guulaysto doorashada in uu furi doono ururada siyaasadeed, markaa walalkay muuse waxa aan kula talin lahaa in uu fuliyo wixii uu shalay gacantiisa ku saxeexay karaamadiisa iyo raganimadiisuna taasi ayay ku jirtaa.
Hadaba waxa soo if baxay xisbigii waynaa ee kulmiye ee inkabadan 100 siyasiyiinta ugu cadcad somaliland ka mid ahaayeen xukumada hada joogtana ka soo baxday in aanay wax badan isku ogeyn heshiisna ku ahayn, ama dhinac ka baxay heshiisyadii lawada galay waa xukumada iyo xisbiga e, isku soo wada duuboo maanta waxa cadaatay in kulmiye heshiis ku ahaayeen in ay talada kala wareegaan xukuumadii udub oo kalsoonida shacabka wayday oo kaliya.

About these ads